आज मिति २०७८ चैत्र ०२ गते करिब साँढे तीन वर्ष (२०७५ सालको भदौ १२ गते देखि आजको मिति सम्म) यस केपिलासगढी गाउँपालिकाको अनवरत सेवामा खटिनु भएका प्रमुख प्रशासकीय अधिकृत श्री छविलाल राई मानेभञ्ज्याङ गाउँपालिका, ओखलढुङ्गाको प्रमुख प्रशासकीय अधिकृतको रुपमा सरुवा भई जानु हुने भएकाले उहाँको विदाई तथा फेरि भेटौंला कार्यक्रम गरियो । उहाँले यस कार्यालयमा रहेर पुर्‍याउनु भएको सेवाको उच्च कदर गर्दै केपिलासगढी गाउँपालिकाले कदर-पत्रको साथ उहाँको सम्मान गरेको छ ।

कार्यालयबाट विदाई हुनु भएको प्रमुख प्रशासकीय अधिकृत ज्यूलाई आगामि दिनमा सु-स्वास्थ्य, दिर्घायु र उत्तरोत्तर प्रगतिको शुभकामना । केपिलासगढी गाउँपालिकाले यहाँलाई समग्र गाउँपालिकाको संस्थागत तथा नीतिगत सुधारको लागि कुशल प्रशासक/व्यवस्थापकको रुपमा सम्झिरहनेछ ।

नयाँ कार्यालयको बसाई उपलब्धीमूलक होस, केपिलासगढी गाउँपालिका परिवारको तर्फबाट हार्दिक शुभकामना ।